Советникот Дервиши одговори на обвинувањата на ВМРО-ДПМНЕ

Советникот тврди дека нема повреда на Законските прописи за донесување на ДУП-от, кој бил изработен врз основа на одобрена иницијатива од Советот на општината, а согласност дале и советници од партијата ВМРО-ДПМНЕ, по барање на приватен инвеститор.

„Во интерес на вистината го давам следниот одговор на поставените прашања и дилеми:                                                                                                                       1.Согласно член 22, алинеа 8 од Законот за просторно и урбанистичко планирање (Сл. Весник на РМ бр.199/14, 44/15, 193/15, 31/16 и 163/16), општината може да биде нарачател на изработка на урбанистички планови и документации само доколку истите се утврдени во програмите за финансирање на изработката на урбанистички планови и документации. Наспроти ова, предметниот ДУП е изработен врз основа на одобрена Иницијатива од Советот на општината, каде согласност дале и советници од партијата ВМРО-ДПМНЕ, по барање на приватен инвеститор и соодветно на тоа општината не доделила никому ништо. Напротив, изборот на планерот е направен од самиот инвеститор врз основа на квалитетите кои во минатото ги покажале планерите од именуваната фирма.                                                                                                       

2.Секторот за инспекциски надзор нема ингеренции во процесот на изработка и донесување на урбанистички планови и соодветно на тоа не може да дава гаранции за понатамошната реализација на планот. Надлежен сектор за спроведување на постапката е секторот за урбанизам, кој преку одржување на јавни презентации и анкети, максимално транспарентно, согласно Законот за Просторно и урбанистичко планирање, го води овој предмет, како и сите останати.                                                     

3. Сите измени кои се содржани во Деталниот урбанистички план за дел од У.Е. 11-ти Ноември, дел од УБ 67, се во согласност со ГУП на град Куманово, важечкиот ДУП за предметниот плански опфат, Законот за Просторно и урбанистичко планирање, Правилникот за стандарди и нормативи  за урбанистичко планирање. Дополнително, истите се базирани на член 46, алинеа 5 од ППУП, односно почитување на стечените права од предходните планови. Соодветно на тоа, потполна невистина и дезинформација е изоставање на некакви сообраќајници, пристапни патеки, паркинзи и сл. За предметниот ДУП, организирани се неколку јавни презентации и анкети, на кои сите заинтересирани граѓани биле поканети да дадат свои забелешки, од кои дел веќе се вградени во планските решенија.                                                                 

4.Констатирам дека на вчерашниот прес на ВМРО-ДПМНЕ се изнесени низа шпекулации и дезинформации, од луѓе кои очигледно не се доволно запознаени со текот и процедурата за донесување на ДУП, па затоа ги отврлувам сите обвинувања кои се неточни и неаргументирани  и тврдам дека нема ни најмала повреда на Законските прописи за донесување на ДУП, - стои во демантот на советникот Дервиши.