Tаксист претепал колеги со метална шипка

Инцидентот се случил на улицата Доне Божинов околу 12,35 часот кога браќата М.С. (21) и 19-годишниот Д.С. од селото Тромеѓа се скарале со Н.И.(31) од Куманово поради тоа кој требало да преземе патници кои барале такси превоз.

Такистот во еден момент додека се расправале од автомобилот извадил метална шипка и со неа почнал да  ги удира браќата. По интервенција на полицијата еден од нив поради тешките повреди е пренесен во Медицинскиот центар во Куманово, а од таму во Клиничкиот центар во Скопје.

Полицијата најави целосно расчистување на случајот и поднесување на соодветна пријава.