Тенда виси над главите на минувачите
Силниот ветер во петокот откачи тенда од некогашниот ресторан “Ловец“ во центарот на градот.
Веќе четврти ден тендата виси над главите на минувачите и претставува потенцијална опасност да повреди некого. Особено е опасна кога се доаѓа од улицата „11 Октомври„, бидејќи тендата е зад аголот на објектот и ја воочувате дури кога ќе дојдете до неа. Мало невнимание може да ве чини удар во главата.
“Таа тенда може да одземе нечиј живот. Ризично е така да стои и не е во ред што никој не ја прибира. Или треба да се отстрани или да се поправи“ - рече Томе Илиевски, граѓанин.
Од секторот за инспекциски надзор во општина Куманово, велат дека се обидуваат да стапат во контакт со стечајниот управник на “Бисерка“ и да му наложат да ја тргне тендата.
“Исконтактиравме со поранешни вработени во АД “Бисерка“. Кажано ни е дека има стечаен управник и правиме напори да стапиме во контакт. Се работи за тенда и тоа е нивна надлежност, треба сами да си ја отстранат“ - кажа Верче Лазаревска, раководител на сектор за инспекциски надзор.
Доколку од “Бисерка“ не преземат мерки, тендата ќе мора да ја отстранат од општината Куманово.
НАЈНОВИ
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
-
ЗНАМ и ВМРО-ДПМНЕ изгласаа уште еден спорен ДУП, овојпат за поставување на фотоволтаици на 50 метри до куќите во Бедиње, кажа Мургашанска
