Веб страната на Кумановско - осоговска епархија со превод на српски

Веб страната на Кумановско - осоговската епархија од неодамна доби превод и на српски јазик.

Целта е информациите од епархијата објавени на веб сајтот да бидат достапни за што повеќе луѓе.

“Во денешно време знаеме дека информациите најбрзо патуваат по пат на Интернет. И ние отвараме, читаме сајтови кои се на англиски или некој друг странски јазик. На овој начин информациите за храмовите, вестите ќе бидат достапни за повеќе луѓе“ - кажа Игор Здравковски, лице за односи со јавност во Кумановско - осоговска епархија.

Претходно сајтот на Кумановско - осоговска епархија имаше превод на англиски, руски и албански јазик.