Зачленете се во нашиот клуб на читатели и најновите текстови ќе ги добивате на вашата мејл адреса
Словенечката амбасада ќе финансира отварање на три советодавни центри за помош на децата во Република Македонија. Еден од центрите ќе биде сместен во Куманово, а ќе биде наменет за децата од сите националности што имаа некакви проблеми.
- Со помош на невладините организации канцелариите ќе ги отвориме во Куманово, Тетово и Скопје. Децата од сите возрасти по завршување на училишните обврски ќе имат простор каде можат да дојдат и да ги кажат своите проблеми. Просторот ќе бидеопремен со интернет и компјутери, а децата ќе имаат помош од логопеди и психолози.Тука ќе можат да си разменуваат искуства, да се играат и да се дружат - вели амбасадорот Алан Брајан Бергант.
Според амбасадорот најголем проблем кај ромската популација е недостатокот на едукативниот процес иако Националниот ромски центар направил многу на тој план.Како резултат на тоа се зголемил бројот на ученици Роми во основното и средно образование.
- Голема благодарност до Република Словенија што не подржува во нашите активности и се надевам дека ова што денеска го започнавеме само ќе даде нова енергија во понатамошната соработка и реализација на Националната стратегија за едукација на Ромите. Ние сме препознатливи како сервисна организација со доверба и така ќе продолжиме во иднина се во интерес на граѓаните - рече Ашмет Елезовски, менаџер на НРЦ.
Зачленете се во нашиот клуб на читатели и најновите текстови ќе ги добивате на вашата мејл адреса
