Хероите од „Диво Насеље“ вечно ќе живеат во колективната меморија на македонските граѓани, кажа Тошковски

Министерот Тошковски положи свежо цвеќе на спомен-обележјето во кругот на СВР Куманово, посветено на загинатите полициски службеници – Љубиша Аранѓеловиќ, Бобан Ивановиќ, Горан Илијевски, Жарко Кузмановски, Исамедин Османи, Сашо Самојловски, Ненад Серафимоски и Горан Стојменовиќ.

„Тие беа храбри припадници на македонската полиција кои во најтешките моменти застанаа во одбрана на државата, безбедноста и мирот на граѓаните. Нивната жртва останува врежана во колективната меморија на македонските граѓани како симбол на чест, достоинство и непоколеблива храброст. Нашата обврска е никогаш да не ги заборавиме и достоинствено да го чуваме споменот за нив. Македонија вечно ќе им биде благодарна.“, истакна министерот Тошковски.

Во рамки на одбележувањето, министерот присуствуваше и на меморијалниот турнир во мал фудбал „Хероите живеат вечно“, организиран во чест на нивната жртва, храброст и љубов кон татковината.