Започна Меѓународната ликовна колонија „Куманово 2019“
Во Меморијалниот центар АСНОМ во Пелинце, годинава по 46. пат се одржува една од најстарите ликовни колонии во државата – „Куманово 2019“.
Колонијата започнува денеска, а ќе трае до 14 август, за кога е предвидено и свеченото затворање со изложба на делата.
На Меѓународната ликовна колонија ќе учествуваат четиринаесет уметници од Македонија, Србија, Бугарија, Босна и Херцеговина и Романија.
Уметниците ќе работат на слободна тема во различни ликовни техники. За време на својот престој, учесниците ќе имаат можност да посетат неколку културно историски знаменитости на Куманово, мегалитската опсерваторија Кокино и црквата „Св.Ѓорѓи“ во Старо Нагоричане.
Ликовната колонија постои од 1974 година, а ја организира Општина Куманово и НУ Музеј Куманово, под покровителство на Министерството за култура.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
