Зачленете се во нашиот клуб на читатели и најновите текстови ќе ги добивате на вашата мејл адреса
Српската фолк ѕвезда Аца Лукас ќе пее на Градскиот плоштад Куманово, по повод Денот на ослободувањето на градот.
Концертот ќе се одржи на 10 ноември во 20.30 часот и ќе трае три часа. Настапот е договорен, а хонорарот на Лукас чини 13 000 евра. Сретствата се обезбедени од општинскиот буџет и со помош на бизнис- заедницата од градот.
Концертот го организира Фондацијата за култура и спорт, под покровителство на градоначалникот и Советот на општината Куманово.
Откако дојде на власт градоначалникот Зоран Дамјановски, воведе пракса на Градскиот плоштад да се организираат големи концерти со познати звезди за позначајните датуми и дочек на нова година. За 11 Ноември досега гостувале Здравко Чолиќ, Борис Новковиќ, Јелена Розга, Петар Грашо, Харис Џиновиќ, Калиопи, Тоше Проески,а за нова година Северина, Хари Мата Хари, Бајага, Владо Јаневски, Наум Петревси и Зуица Лазова, додека за Тамбурашкиот фестивал Звонко Богдан, Мерима Његомир, групите Гарави Сокак, Легенде и уште многу други.
Зачленете се во нашиот клуб на читатели и најновите текстови ќе ги добивате на вашата мејл адреса
