Зачленете се во нашиот клуб на читатели и најновите текстови ќе ги добивате на вашата мејл адреса
За Нова година на градскиот плоштад во Куманово ќе пее босанската група „Црвена јабука„. Настапот е договорен за 15 000 евра. Ова е петта година по ред Општината да организира дочек на Нова година за своите граѓани.
Изборот падна на популарната група „Црвена јабука„ и мислам дека е вистински. Очекуваме да привлече публика од сите генерации што на нас ни е најважно. Концертот ќе трае 2 часа, а ќе започна во 23 часот. Предходно ќе пејат предгрупи од Куманово, а на полноќ ќе приредиме спектакуларен огномет за граѓаните. Останува само времето да ни се погоди и весело да влеземе во Новата година - вели Нино Величковски, директор на Фондација за култура и спорт.
На плоштадот ќе бидат поставени и шанкови од неколку кафеани во градот, каде граѓаните што ќе се одлучија да прославуваат на отворено ќе можат да купат храна и пиење.
Концертот го организира Секторот за култура, Фондацијата за култура и спорт, градоначалникот и Советот на Општината, која одвои сретства за таа намена.
Во изминатите години на плоштадот во Куманово пееше Северина, Хари Мата Хари, Владо Јаневски и Наум Петревски и Зуица Лазова.