„Де Марбл„ наскоро со нова песна?

„Размислуваме за песна, имаме идеи за реализација, но тоа се уште не е ништо конкретно. Едноставно, убаво ни вака, имаме свирки и не се замараме многу”- вели Драган Трајковски еден од основачите и вокал во бендот.

„Де Марбл„ важи зе еден од најатрактивните и најбараните бендови во Куманово. Причината поради која освен преработената песна “Одам на југ”, која им го трасираше патот во музичките води, нема ниту една своја нумера ја објаснуваат со големата ангажираност околу настапите. Бендот е формиран 1989 година како резултат на дружење на членовите од средношколските денови, а на првиот јавен настап му претходеле многу свирки во кумановските гаражи.

„Идеа за формирање на бендот добивме во средно, на екскурзија, во еден хотел, зедовме да свириме, пееме и си поминавме убаво, па рековме зошто да не пробаме и да настапуваме како бенд“- се сеќава Драган.

Освен по кумановските клубови, „Де Марбл” гостува и во другите градови низ Македонија, најчесто во Скопје, но исто така и надвор од границите на државата. Минатата година го смениле името, мислејќи дека ќе имаат проблеми со оператотот „ВИП”, но и поубаво им звучело новото име „Де Марбл”.

Е.Г.