Џоли ќе ја глуми Цеца!?

Според еден член од тимот од Србија кој учествуваше во снимањето на режисерското деби на Анџелина, „Во земјата на крвта и медот“, вниманието на Џоли го привлекло судбината на вдовицата на Жељко Ражњатовиќ - Аркан.

 Анџелина, додека го снимаше филмот кој говори за нашите простори, се заинтересира за Балканот. Таа забележа дека Цеца е најпопуларна пејачка, не само во Србија, туку и во сите поранешни југословенски земји. Особено интересно и падна тоа што ја слушаат и Хрватите и Бошњаците, и покрај тоа што нејзиниот сопруг војуваше против нив - изјави еден извор кој, како што тврди, неколку пати разговарал со актерката.

Тој додаде дека актерката, за време на престојот во Сараево, слушнала неколку песни и откако видела нејзините слики и видео клипови на YouTube, заклучила дека таа и Цеца имаат повеќе сличности, и двете се со темна коса и витки, со бујни гради, полни усни и слична возраст, што би можело одлично да се користи во филмот. Во филмот за животот на Цеца, наводно, Анџелина ќе ја глуми пејачката, а исто така ќе се појави и во улога на режисер.

Цеца не сакаше да ги коментира информациите дека Анџелина Џоли сака да сними филм за нејзиниот живот.