Зачленете се во нашиот клуб на читатели и најновите текстови ќе ги добивате на вашата мејл адреса
Кумановецот Зоран Краљевски -Глусац е автор на музиката на црногорскиот филм „АС ПИК- лоша судбина„, за кој напишал 5 композиции.
Филмот е во режија на Драшко Ѓуровиќ, а играат холивудските глумци Мајкл Мадсен главниот јунак во Тарантиновиот „Уби го Бил„, како и Пеѓа Бјелац волшебникот од Хари Потер 4. Останата актерска екипа ја сочинуваат Бане Поповиќ, Момчило Оташевиќ, Јелена Симиќ, Данило Челебиќ, Милица Милша и Растко Јанковиќ, како македонскиот актер Мони Дамевски.
Филмот „АС ПИК - лоша судбина„ е психолошко љубовна акцијска драма која опфаќа повеќе испреплетени времиња и дејствија. Мал дел од филмот се навраќа на военото распаѓањето на некогашната СФРЈ, а потоа следи испреплетување на несреќните судбини на обичните луѓе од тоа време.
Ваквата приказна бараше и посебен пристап од аспект на музиката, која мораше да ги долови времето, карактерите и дејствата. Кога е во прашање Балканот, тоа е комплицирана работа. Бидејќи има еден вид патување низ времето кое музиката мораше да го покрие, жанровски гледано во филмот од музички апспект има: балканско етно, стара шпанска музика, класика, па се до техно-турбо-фолк. Тој дел јас го одработив со четири мои композиции и една на син ми. Решив во таа работа да вклучам што повеќе луѓе од Куманово. Инаку покрај мене во филмот како автор на музика се јавува и композиторот Далибор Недовиќ, кој независно од мене направи музика за уште неколку други сцени- објаснува Краљевски.
Премиерата ќе биде на Филмскиот фестивал во Херцег Нови. Македонската промоција ќе се случи во Куманово.
Краљевски неодамна заврши со пишување на музика за македонско-албанскиот филм кој наскоро ќе има премиера во Скопје, а потоа и во Швајцарија.