Зачленете се во нашиот клуб на читатели и најновите текстови ќе ги добивате на вашата мејл адреса
Утревечер во Бикер паб ќе се одржи литературно-книжевна вечер, на која Даниел Краљевски ќе чита расказ со наменета содржина.
Истовремено ќе свират групите: The Maze и M & G од Куманово, и The Yanna од Скопје. Почетокот е закажан во 22 часот. Влезот е бесплатен.
Манифестацијата „Lets grow Awareness“ е со цел да ја поттикне јавноста да размисла околу (не)потребноста за национална и верска омраза, тензиите со палење знамиња, не признавање имиња и уште куп слични нешта кои го затемнуваат Балканот и му даваат облик на темна дупка која е пример како не треба да живее.
По палењето на замињата и подигнатите национални тензии, ние како група индивидуалци се запрашавме: зошто секогаш ова парче од светов да служи за пример како не треба да се живее? И зошто не се потрудиме да ги поттикнеме нештата кон подобрување, наместо да избегаме што подалеку од овде? Лесно е да се турнат нештата под тепих, потешко е да се соочиш со нив и да го додадеш својот труд за подобрување на нештата, па макар тоа било и една ваква манифестацја од литературно музички карактер која преку уметноста ќе се изјасни против националната омраза и ќе поттикне будење на онаа убава замисла која спие во секој од нас – замислата за подобар соживот и за едно поразнобјно утре.
Џон Ленон замислуваше свет во кој сите луѓе ќе живеат во благосостојба и нема да постојат држави во светот, а истата утописка идеја беше искористена за скоро сите научно фантастични филмови во кои вонземјанците објаснуваа дека на нивната планета не постојат држави и дека сите се една нација.
Овие идеи всушност и не се утописки, бидејќи се целосно возможни, но поради недоволната свесност на поголемиот дел од светот – до сега не се случиле. Можеби и никогаш нема да се случат, но битното е дека со малку поголема свесност би се постигнало многу подобро меѓусебно разбирање, а јас верувам дека тоа ќе се случи. Некогаш!