Зачленете се во нашиот клуб на читатели и најновите текстови ќе ги добивате на вашата мејл адреса
Кумановецот Драган Величковски, попознат како Tyzee до крајот на месецот ќе го промовира својот прв албум „Балкан„ на кој ќе се најдат 17 песни. Дел од нив се снимени, а останатите ќе се завршат во следните десетина дена.
Албумот содржи песни со разновидни стилови и жанрови со кои се опишува состојбата во која се наоѓа Македонија и Балканот, поради кои и албумот го носи тоа име. Досега имам снимено неколку песни со Skipi, но албумот што следи ќе биде различен од она што досега го правевме и што воопшто се работи во Македонија. Не дека ние сме најдобрите, туку затоа што тежнееме да бидеме оригинални, различни и свои - вели Tyzee.
На концертот по повод промоцијата на албумот ќе се прикаже и спотот за песната "Играј".
Ја избрав токму оваа песна за видео запис затоа што од целата ситуација во која ние младите се наоѓаме, не ни преостанува само да се збавуваме и да играме. Станува збор за интересна песна, која се разликува од другите и спотот е атрактивен, бидејќи во него учествуваат многу млади девојки- вели Tyzee.
Текстовите за неговиот албум ги пишувал самиот во консултација со неговите соработници, а гости се Адријан Гаџа, Роберт Билбилов, Анџелина, DJ Spejko, Мега и Андреј Миск. Освен за себе досега пишувал и за Ноне Неделковска, Адријан Гаџа, Миск и други.
Зачленете се во нашиот клуб на читатели и најновите текстови ќе ги добивате на вашата мејл адреса
