Зачленете се во нашиот клуб на читатели и најновите текстови ќе ги добивате на вашата мејл адреса
Новата 2012 година традиционално беше дочекана на Градскиот плоштад, но и во рестораните, кафеаните и клубовите во градот.
Неколку илјади кумановчани, главно помлади, на плоштадот славеа со музиката на босанската група „Црвена јабука„.
Точно на полноќ градоначалникот Зоран Дамјановски им ја честиташе Новата година на граѓаните со ветување за подобра иднина.
Ви посакувам многу здравје, среќа и личен успех. Во новата година ќе продолжиме да го градиме нашето Куманово -изјави градоначалникот.
Доаѓањето на Новата година традиционално беше одбележан со спектакулерен огномет, кој ги остави без здив посетителите на плоштадот.
Прекрасен огномет, најдобар за последните години. Навистина величенствен почеток на годината.Се надевам дека ќе ни биде успешна, и подобра од предходната- вели една жена.
Локалната самоуправа пет години по ред организира дочек на Нова година на Градскиот плоштад со познати музички звезди од Македонија и странство.