×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Flex Credit

    Македонија го слави Денот на Републиката - Илинден

    02.08.2022 11:56 | Сузана Николиќ

    Двата Илиндена - 119 години од  Крушевската Република и 78 години од Првото заседание на АСНОМ, денеска се слават на Мечкин Камен во Крушево и во Меморијалниот комплекс АСНОМ во селото Пелинце. По 18 години одлежување на празникот ќе има и во манастирот „Прохор Пчински“ во Србија. 

    Македонија го слави Денот на Републиката - Илинден

    Со Илинденското востание и Првото заседание на АСНОМ во манaстирот „Прохор Пчински“,  удрени се темелите на македонската држава.

    Овие датуми се длабоко врежани во колективната меморија на нашиот народ. Двата Илиндена претставуваат историски темелник на македонската самобитност, непокор и слобода.

    Почетокот на Илинденското востание против османлиската власт го објавиле камбаните во Крушево на полноќ спроти Илинден 1903 година. Околу 800 востаници го ослободиле градот, а по два дена Никола Карев ја прогласил Крушевската Република и станал нејзин претседател... Слободната Република траела десет дена.

    На 2 Август во манастирот „Прохор Пчињски“ било одржано Првото заседание на АСНОМ , на кое е потврдена општествено-правната положба на Македонија како рамноправна федерална држава во рамките на ДФ Југославија. Избран бил  Президиум на АСНОМ, под претседателство на Методија Андонов Ченто.

    Заседанието усвоило неколку документи со државнотворно значење, меѓу кои и Решението за воведување на македонскиот јазик за службен јазик во македонската држава и Декларацијата за основните права на човекот и граѓанинот на демократска Македонија.

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk