×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Не е точно дека 70 проценти од вакцинираните заболеле од коронавирусот во Израел

    08.11.2021 09:42 | KumanovoNews | Преземено од: vistinomer.mk

    Во Израел вакцинирани со 1 доза се 6.243.281 лица, со две дози 5.738.253 и со три дози 3.973.121 лице. Досега во Израел има регистрирано 1.331.519 случаи, што не е 70 проценти од ниту една од бројките погоре, било да се мисли на оние вакцинирани со 1 доза, со две дози или со три дози. Тоа може да се провери на веб-страницата на Министерството за здравство на Израел, каде има статистика на активни ковид случаи на 100 илјади жители, со нивниот вакцинален статус

    Не е точно дека 70 проценти од вакцинираните заболеле од коронавирусот во Израел Фото: pixabay.com

    Рецензираме пост на Фејсбук во кој лажно се изнесени статистики во однос на процентот на заразени од вакцинирани во Израел.

    Во постот е изнесено тврдење дека 70 проценти од вакцинираните во Израел се заразиле со коронавирусот, без да се прецизира на кој период се мисли, во која временска рамка се заболените, со колку дози се вакцинирани тие што авторот ги смета за вакцинирани и така натаму.

    Во Израел 70 проценти од вакцинираните заболеа. А се што требаше да направат е да останеа такви какви што Бог ги беше створил.

    Министерството за здравство на Израел на својата веб-страница прави јасна дистинкција меѓу своите граѓани во однос на тоа дали нивните вакцини се важечки, односно дали нудат заштита, зависно од тоа пред колку време граѓанинот ја примил вакцината. Некој што се вакцинирал пред 9 месеци само еднаш, не може да се смета за вакциниран. Израел за целосно вакцинирани ги смета само граѓаните со 3 примени дози.

    Во Израел, само за месец септември 2021 година, според официјалните информации од Министерството за здравсто на оваа земја, 75 проценти од починатите под 60 години се невакцинирани. Потоа, 57 проценти од починатите над 60 години се невакцинирани, 82 проценти од хоспитализираните во серизона здравствена состојба под 60 години се невакцинирани, 62 проценти од хоспитализираните со тешка клиничка слика над 60 години се невакцинирани. Во септември 37 деца под 18 годишна возраст биле хоспитализирани со коронавирус или компликации од коронавирусот, а од нив 6 биле во тешка состојба. Во септември 39 пациенти биле поврзани со респиратор, а од нив 33 не биле вакцинирани.

    На веб-страницата на Министерството за здравство на Израел има статистика на активни ковид случаи на 100 илјади жители, со нивниот вакцинален статус.

    Извор: Принтскрин веб-страницата на Министерството за здравство на Израел

    Податоците (заклучно со 05.11.2021), гледано во апсолутни бројки,  покажуват дека на возраст од 12 до 15 години, на 100 илјади жители има 452 невакцинирани позитивни и 58 имунизирани позитивни.

    На возраст од 16 до 19 години, на 100 илјади жители има 184 невакцинирани позитивни и 45 имунизирани позитивни и 67 вакцинирани со истечена валидност позитивни случаи.

    На возраст од 20 до 29 години, на 100 илјади жители има 384 невакцинирани позитивни, 92 вакцинирани позитивни и 184 вакцинирани со истечена валидност позитивни пациенти.

    На возраст од 30 до 39 години, на 100 илјади жители има 421 невакцинирани кои се позитивни на ковид, 154 вакцинирани кои се позитивни и 216 со истечена валидност на вакцинацијата кои се позитивни.

    На возраст од 40 до 49 години, на 100 илјади жители има 324 невакцинирани позитивни, 152 вакцинирани со истечена валидност позитивни, и 122 вакцинирани позитивни случаи.

    На возраст од 50 до 59 години, на 100 илјади жители има 184 невакцинирани позитивни, 53 вакцинирани а позитивни и 63 имунизирани со истечена валидност кои се позитивни.

    На возраст од 60 до 69 години, на 100 илјади жители, има 127 невакцинирани а позитивни, 59 вакцинирани а позитивни, 51 вакцинирани со истечена валидност кои се позитивни.

    На возраст од 70 до 79 години, на 100 илјади жители има 77 невакцинирани а позитивни, 52 вакцинирани а позитивни и 24 вакцинирани со истечена валидност позитивни на ковид.

    На возраст од 80 до 89 години, на 100 илјади жители има 44 невакцинирани позитивни, 41 вакцинирани позитивни и 11 со истечена валидност на вакцинацијата кои се позитивни во Израел.

    На возраст над 90 години, на 100 илјади жители, има 11 невакцинирани, а позитивни, 7 вакцинирани а позитивни и 5 вакцинирани со истечена валидност кои се позитивни на ковид во Израел.

    Од оваа статистика евидентно е дека најголем дел од позитивните се невакцинирани или лица на кои им истекла валидноста на вакцината поради тоа што поминало долго време после втората доза. И разни медицински професионалци кои ја опишуваат состојбата во Израел, објаснуваат дека постои нешто како избледување на ефектот од вакцината поради што е потребна ревакцинација.

    Невакцинираните Израелци сочинуваат 75 проценти од новите ковид случаи минатата недела, покажуваат податоците од Министерството за здравство на Израел. Од регистрираните 5.084 нови случаи во седумте дена, 3.902 биле кај невакцинирани Израелци кои што сочинуваат 15 проценти од популацијата која што може да се вакцинира. Сепак во моментов во Израел има најниска стапка на позитивни од тестирани, од само 0.88 проценти.

    И во септември, 17- те проценти од невакцинирани Израелци, сочинувале 65 проценти од сите нови потврдени ковид случаи во земјата! Пер капита, за секој смртен случај на Израелец над 60 години кој примил бустер доза, имало 15 смртни случаи кај невакцинирани Израелци во истата возрасна група!

    И покрај тоа што и кај вакцинираните се појавуваат позитивни случаи на ковид, сепак ковид станува пандемија на невакцинираните во оваа земја. И бројот на сериозно заболени е најмногу меѓу невакцинираните. На 13 септември од 664 пациенти со тешка клиничка слика во Израел, 437 биле комплетно невакцинирани а само 168 примиле 2 дози.

    Во постот што го рецензираме се тврди дека 70 посто од вакцинираните се заразиле со ковид.

    Во Израел вакцинирани со 1 доза се 6.243.281 лица, со две дози 5.738.253 и со три дози 3.973.121 лице. 

    Досега во Израел има регистрирано 1.331.519 случаи, што не е 70 проценти од ниту една од бројките погоре, било да се мисли на оние вакцинирани со 1 доза, или со две дози или со три дози. Во овие 1.331,.519 случаи кои досега Израел ги имала како позитивни од почетокот на пандемијата до денес, има невакцнирани со ниедна доза којшто процент не го ни калкулираме.

    Поради сето ова оценуваме дека не е точно дека 70 проценти од вакцинираните во Израел заболеле од коронавирусот.

     

     

     

     

     

    Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар