Александар Андрејевиќ старо-нов играч на КК Куманово

10.07.2020 12:05 | KumanovoNews

  Александар Андрејевиќ ќе потпише едногодишен договор со можност за продолжување на уште една година со тимот на КК Куманово, потврдија од управата на клубот.

Александар Андрејевиќ старо-нов играч на КК Куманово

Србинот доаѓа одекипата на Таково Леотар од националното првенство на Босна и Херцеговина.

Андрејевиќ (29) игра на позиција центар и е висок 212 цм. Во 2013 година бил дел од НБА драфтот, каде за жал не е селектиран. Професионалната кариера ја има започнато во Еуроинс Черно Море. Подоцна се преселува во македонската лига како и настапува во АБА Струмица и КК Куманово каде има одиграни само 4 натпревари во сезоната 2015/16 кога тимот ги забележуваше едни од најдобрите резултати.

Во меѓувреме, настапувал и во екипите на Ибар Рожаје, Ривиера Баскет, Спартак Суботица и македонскиот Охрид АВ.

Во последната 2019/20 сезона за екипата на Таково Леотар со одиграни 20 натпревари има постигнато 148 поени, 112 скокови, 19 асистенции, 16 украдени топки и 14 блокади.

(Д.Давитковски)

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk