×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Доделени наградите на најдобрите млади шахисти

    18.05.2010 16:31 | KumanovoNews

     Во Oпштината Куманово денеска беа поделени пехари и признанија на учесниците на годинешниов училишен екипен турнир во шах што минатиот месец се одржа во Куманово.Наградите ги врачи градоначалникот Зоран Дамјановски.

    Доделени наградите на најдобрите млади шахисти

    Драго ми е што се беше организирано на така високо ниво и одскокнува од вообичаените организации во однос на посетеноста. Најголема заслуга за тоа има претседателот и мојот колега и поранешен градоначалник Слободан Ковачевски.

    Локалната самоуправа го подржува спортот, а шахот како дел од спортот посебно ни е драго што добива на масовност во последно време и се организираат квалитетни турнири и училишни натпреварувања. Ќе настојуваме ова да стане традиционална манифестација-рече градоначалникот.

    На екипно првенство во шах на основните училишта, прво место го освои ОУ „Браќа Миладиновци“, втора беше екипата од ОУ „Магдалена Антова“ а третото место го поделија учениците од ОУ„Кочо Рацин“ и „Битолски конгрес“ од с. Лопате.

    Присуствуваме на еден ваков чин по завршувањето на едно квалитетно првенство во шах помеѓу основните училишта во градот. Особено ми е драго што успешноста ни ја потврдија учесниците на оваа првенство, професорите и претставниците од локалната самоуправа. По ова сме охрабрени да продолжиме со организирање на натпреварите и во поединечна конкуренција на ученици од основни училишта, односно кадети од 8-14 години или од 5 до 8 одделение-рече Слободан Ковачевски, претседател на Шаховскиот клуб.

    Во знак на благодарност за големата подршка во организација на турнирот, претседателот на шаховскиот клуб за несебичната помош додели благодарници на поединци и институции.

    На првенството учествуваа 11 училишта со по четири екипи. Организатор на Првенството беше градскиот шаховски клуб „Куманово“.