Зачленете се во нашиот клуб на читатели и најновите текстови ќе ги добивате на вашата мејл адреса
Во организација на Пингпонгарската федерација на Северна Македонија и Пинг понг клуб „Куманово“, во сабота во Куманово се одржа 28-то Државно екипно првенство во пинг понг за кадети и кадетки.
Натпреварувањата беа во спортската сала во Гимназијата „Гоце Делчев“, а учествуваа 15 екипи од 12 клуба од државата. Од нив 9 беа во категорија на кадети и 6 во категорија на кадетки.
Државни прваци за 2019 година се екипата на ППК „Крива Паланка“ од Крива Паланка во категорија на кадети и екипата на ППК „Крушењво“ од Крушево кај кадетките.
„По мошне интересни и возбудливи натпревари во вечерните часови беа прогласени и најдобрите екипи со доделување на медали, дипломи и пехар за победникот во секоја категорија. Екипата на ППК „Куманово“, составена од млади пингпонгари кои се половина година во тренанжен процес, одиграа во границите на своите моментални можности и се седми во категорија на кадети“ – изјави тренерот и координатор на ППК „Куманово“ Мики Трендафиловски.
Првенството го отвори претседателот на Општинскиот сојуз на спортови Филип Колевски, кој ги поздрави учесниците во име на градот.
Зачленете се во нашиот клуб на читатели и најновите текстови ќе ги добивате на вашата мејл адреса
