×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • „Колеџ стар“ пристигна и во Македонија - младите спортисти имаат шанса да се развиваат во САД

    01.04.2021 09:09 | KumanovoNews

    Агенцијата „Колеџ Стар“ од Нови Сад официјално отвори своја експозитура во Македонија, каде што на младите спортисти ќе им се овозможи „кариера по кариера“, а проектот ќе го води поранешниот кумановски кошаркар Бојан Златковски.

    „Колеџ стар“ пристигна и во Македонија - младите спортисти имаат шанса да се развиваат во САД

    Промоција и презентација на агенцијата беше направена во хотелот „Хилтон“ во Скопје под строго утрвдени протоколи и голем интерест како од младите македонски спортисти, нивни родители, тренери и спортски работници.

    До сега во овие 13 години „Collegestar“ агенција посредуваше на преку 500-тини клиенти, кои своето школување и спортско усовршување го продолжија во САД. Програмата за спортски стипендии во Америка од година во година е се повеќе попопуларна кај меѓународните студенти. Студентите спортисти се повеќе се определуваат за заминување и школување во САД затоа што не само што ќе имаат шанса спортски да се усовршат високо ниво со што би граделе успешна спортска кариера, туки, пред се, ќе добијат можност за квалитетна едукација, стекнување на престижни дипломи од реномирани Универзитети“, истакна генералниот менаџер за Македонија, Бојан Златковски.

    Митар Кустудија сопственик на агенцијата чие главни седиште е во Нови Сад, потенцира дека на просторите на поранешна Југославија, има огромен број на млади спортисти чиј талент не е доволно вреднуван, па се повеќе млади се одлучуваат да заминат во САД на усовршување.

    Самата програма на образованите во САД е така направена не само што младите имаат можност да работат и тренираат во најдобри можни услови, со врвни стручњаци и по докажана спортска програма, туку истовремено самите образовни институции, средни училишта и факултети им овозможуваат да се стекнат со високо образование од најразлични области. Едноставно, овој систем на младите спортисти им овозможува шанса да изградат професионална кариера и по завршувањето на спортската кариера“, исткна Кустудија.

    Досегашното 13-годишно искуство покажува дека, за подобро и полесно прилагодување во овој систем на градење на двојна кариера, најпрепорачливо е младите спортисти што порано да решат да заминат во САД, односно по завршувашето на втората или третата година од средното училиште.

    Воедно агенцијата во соработка со партнерско училиште за странски јазици „Авалон“, на кандидатите, односно оние кои ќе се решат да ја искористат оваа можност, им нуди стручна соработка и помож за усовршување на англискиот јазик, одосно подготовка за полагање на задолжителните и „SAT“ и „TEOFL“ тестови.