Кумановски атлетичарки учествуваа на Националното првенство на Србија за младинци

02.02.2021 12:59 | KumanovoNews

Атлетскиот клуб Куманово настапи на Националното првенство на Србија за младинци, кое се одржа во затворени услови при организација на Српскиот атлетски сојуз во Белград.

Кумановски атлетичарки учествуваа на Националното првенство на Србија за младинци

Учеството беше на клупско ниво, а Куманово го претставуваше Дијана Вукановиќ (17). Таа настапи на 60 метри слободно и 60 метри со пречки. Во квалификациите за 60 метри слободно, истрча со време од 8,61 секунди и не успеа да обезбеди пласман, резултат вреден 722 бодови. Во второто трчање со пречки, Вукановиќ оствари време од 10,19 секунди и освои 715 бодови.

„Изминатиов викенд, Дијана настапи во две дисциплини, за кои не можевме да го сметаме резултатот во прв план. Таа напорно тренираше секој ден, ама сепак успеа да постави личен рекорд на 60 м со пречки, во првата трка годинава. Во викендот што доаѓа, нашите две атлетичарки повторно ќе се натпреваруваат во Белград, каде ќе се обидат да ги поправат личните достигнувања но и да ги исполнат критериумите за настап на репрезентацијата на Балканското првенство во сала, посочи Филип Колевски, тренер на АК Куманово.“

Дијана Вукановиќ и Матеја Ефремовска се на двонеделни подготовки во атлетска сала во Белград, па тренерот на АК Куманово го објасни учеството и ги најави следните предизвици.

(Д.Д.)

(Фото-архива)

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk