×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Македонија загуби од вториот тим на Италија, денеска ќе се соочи со домаќинот Русија

    19.02.2021 09:27 | KumanovoNews

    Кошаркарската селекција на Македонија загуби од Италија со 92:84, на првиот натпревар од турнирот во Перм,Русија.

    Македонија загуби од вториот тим на Италија, денеска ќе се соочи со домаќинот Русија

    Не започнавме лошо, имавме само два негатива по првиот период, кога резултатот на семафорот беше 25:23 за можеби и најизмешаниот состав во квалификациите – Италија настапи со својот втор тим, поради настапите во НБА и Евролига. Вторите десет минути ни припаднаа нам, имавме плус четири (16:20), за да на полувреме заминеме со два поени предност, односно 43:41. Третата четвртина ја игравме кош за кош, со минимални предности и на двете страни, а им припадна на фаворитите со 22:21. Но, последните 10 минути немавме сили дозволивме Италија да се одлепи на плус осум, за да на самиот крај и ја одржи таа предност (29:20).

    Најефикасен во составот на Македонија беше воедно и најдобриот играч во екипата, Ненад Димитријевиќ. Тој постигна 24 поени, а додаде 12 топки. Американецот во нашите редови, Вајли одигра пристоен дуел со 17 поени, 6 скокови и 2 блокади. Разочарување беше Бојан Трајковски кој шутираше 3 од 8 за три, и одигра катастрофална одбрана во текот на целиот меч. Тимот на Александар Тодоров промаши дури 9 слободни фрлања, што е очајно кога е во прашање избор на играчи за во националниот дрес.

    Ова е трет пораз во низа, по првите од Русија и Естонија со што шансите за пласман на ЕвроБаскет 2022 се минимални. Денеска играме со домаќинот Русија во истиот термин од 15:30 часот, а во тимот шанса добија Бакоч и Ефремовски, наместо Симиќ и Митревски.

    (фото.kfsm.mk)

    (Д.Д.)