Металург ја оправда фаворитската улога, но кумановци одиграа достоинствен натпревар

26.02.2021 10:47 | KumanovoNews

Ракометарите на Куманово загубија во вчерашниот дуел од Металург со 26:36, натпревар во рамките на осминафилната рунда од Купот на Македонија.

Металург ја оправда фаворитската улога, но кумановци одиграа достоинствен натпревар

Проблемите во скопскиот гигант се уште се активни, па иако излегоа на терен со 12 играчи, лесно остварија победа водени од Златко Хорват, Марко Тарабокија, Мартин Серафимов и Дарио Кофилоски.

Металург имаше силен старт уште на дуелот, кога резултатот на семафорот беше 7:1, а потоа и 10:2. Куманово по 20-тина минути игра беше во двоцифрена негатива од 16:6. Но, пред крајот на првото полувреме, кумановци не се предадоа, туку направија серија од 6:1 и негативата ја доведоа до прифатлива за достинствен резултат и борба во вториот дел, па на пауза заминаа со само минус 5, односно 18:13.

Квалитетот на Металург сепак остана и во продолжението на натпреварот и не создадоа ниту една шанса за доближување на Куманово, отидоа пак на плус 10, и го средбата ја затворија рутински.

Во составот на Куманово, најефикасен беше Давид Спасиќ со 7 погодоци, а зад него беше Бојан Петрушевски со 4 успешни обиди. Иван Димитров, Давид Цветковски и Влатко Тасевски беа изедначени на листата од стрелци со по 3 погодоци.

МРК Куманово веќе утре од 12:00 часот ги почнува дуелите од плеј-оф лигата, каде во првата рунда му гостуваат на тимот на РК Аеродром.

(Д.Д.)


2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk