Познати најдобрите ученици-шахисти

Во женска конкуренција прво место го освои Елена Крстевска осмо одделение од основното училиште „Браќа Миладиновци„, втора беше Андријана Ѓорѓевска шесто одделение од основното училиште „Крсте Мисирков„ и третото Андријана Георгиевска седмо одделение од „Вук Караџиќ„.Кај машките  најдобар беше Милан Величковски, седмо одделение од „Магдалена Антова„. За второ и трето место во идната сабота во 10.00 часот, ќе се натпреваруваат Коста Јаневски, Милош Арсиќ, Александар Ѓоргевски, Милан Марковски и Предраг Ристиќ- објави Слободан Ковачевски, претседател на шаховскиот клуб.

Тројца најдобро пласирани во женска и во машка конкуренција ќе земат учество на државно првенство што ќе се оддржи во Скопје на 19 ноември оваа година.

На натпреварувањето учествуваа ученици од прво до осмо одделение. Ова е само почеток на остварување на програмата на клубот и активностите на екипата на Куманово што го претставува градот на македонската шаховска сцена и котира многу висока. Со отварањето на шаховската школа ќе дојде до смена на генерации во шаховската игра во Куманово, бидејќи очекуваме голем прилив на млади шахисти од градот -смета Ковачевски.

И од Сојузот на училишни спортови потврдуваат дека интерсот на децата за шахот и останатите спортови е на високо ниво, поради што  ќе се организираат повеќе спортски манифестации во училиштата.

Наградите на најдобрите шахисти од основните училишта ќе им бидат доделени во сабота на 23.10 во просториите на градскиот шаховски клуб од страна на градоначалникот Зоран Дамјановски.

Спонзори на шаховската спортска манифестација беа сокарата „Кватро„ и пекарата „Златен Клас„.