Семинар за спортските тренери и педагози во Куманово

27.02.2020 21:10 | KumanovoNews

Општинскиот сојуз на спортови од Куманово во соработка со Здружението на спортски педагози Куманово (ЗСПК), утре (петок), во 12 часот во просториите на Гимназија „Гоце Делчев“ ќе одржи едукативен двочасовен семинар, наменет за спортски тренери и педагози.

Семинар за спортските тренери и педагози во Куманово

Бесплатниот семинар вклучува теми од четири области: работа со млади категории, менаџирање на спортски клубови и улога на тренерот, специфичности и разлики за тренажниот процес со женски клубови и споредба на услови за тренажен процес 2010 и 2020.

Претседателот на Општинскиот сојуз на спортови од Куманово, Филип Колевски, вели дека важноста на вакви семинари е од посебно значење, бидејќи со нив директно се вложува и влијае на едукативниот дел од спортот.

- Иако беше предвидено семинарот да биде локален, сепак ќе има и гости од повеќе градови од државата. Според капацитетот со кој ние располагаме, беше планирано да имаме околу дваесетина гости, меѓутоа за овој настан се покажа голема заинтересираност, па се пријавија над осумдесет спортски тренери, - додава тој.

На семинарот свое излагање ќе имаат едукаторите: Александар Јовановиќ, Југослав Спасиќ, Филип Колевски и Слободан Стојчевски.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk