70 милиони евра за патишта во Североисточниот регион, најави министерот Сугаревски

Како што најави министерот за транспорт и врски, Горан Сугаревски, при денешната посета на Општина Куманово, во програмата е предвидена изградба на експресни патишта, но и реконструкција на магистралните и регионални патишта.

„Во план е во овој Kумановски регион да бидат изградени поголем дел на патишта. Во делот на патната инфраструктура се планираат некаде околу 70 милиони евра, станува збор за дел експресни патишта и дел за реконструкција на патишта, кои не поврзуваат со Република Бугарија. Конкретно експресниот пат Ранковце – Крива Паланка - Деве Баир.  Исто така во план е реконструкција на патиштата од Опае до Никуштак. Во овој период имаме силна активност поврзана со овој регион и се надевам дека со поддршка на локалната самоуправа овие средства ќе бидат искористени“,- изјави Сугарески.

Министерот не прецизираше во кој временски период ќе се реализираат највените проекти.

Сугаревски разговарал со Димитриевски и за проекти што треба да се релизираат оваа година за изградба на водоводна и канализациона мрежа во Општина Куманово, проекти во висина од 1,5 милиони евра, средства обезбедни од Европска инвестициона банка.