Амбасадорот Жбогар во посета на општина Куманово

На средбата со градоначалникот Максим Димитриевски разговарале за досегашните и идни проекти во општина Куманово со подршка на ЕУ.

„Особено внимание дадовме на последниот проект кој што е во тек, а се работи за инвестиција од 4 милиони евра за реализација на проектот за реконструкција и изградба на фекална канализација“, -  изјави Димитриевски.

Евроамабасадорот вети дека и во наредниот период Општина Куманово ќе ја има подршката на европската заедница и ќе помогне во реализација на проекти во интерес на граѓаните.

„Денеска имавме можност да поразговараме за еден голем проект кој е поврзан со третирање на сметот, проект кој ќе се реализира во општина“, - изјави Жбогар.

Амбасадорот го посети и средното техничко училиште „Наце Буѓони„ кое е дел од кампањата “Веруваме во ТЕБЕ, Вложуваме во ТЕБЕ, ЕУ за ТЕБЕ!“.