Авиони го изгаснаа пожарот во Матејче

Од Дирекцијата за заштита и спасување (ДЗС) го изгаснале пожарот откако интервенирале со два авиони.

Пожарот е регистриран околу 13 часот, по што биле известени од Територијалната противпожарна единица Куманово, Регионалниот центар за управување со кризи и Шумско стопанство.

“Околу 16 часот е одлучено пожарот да го локализираме со два авиони. Теренот е непристапен и немаме точни податоци колкава површина е зафатена, но сепак не беше голем пожар. Важно е пожарот навреме да се изгасне, да не се доведеме во ситуација да изгорат цели хектари“- велат од ДЗС.

На истото место пожар имаше пред два дена и беше изгаснат авионски.