Мени

Бензините поевтинуваат за 2, а дизелот за 2,5 денари по литар

16.11.2026 15:57 | KumanovoNews

Цената на бензините од ноќеска на полноќ се намалува за два денара по литар, а дизелот поевтинува за 2,5 денари, одлучи денеска Регулаторната комисија за енергетика (РКЕ).

Бензините поевтинуваат за 2, а дизелот за 2,5 денари по литар

Со одлуката се врши намалување на малопродажните цени на нафтените деривати во просек за 2,43 отсто.

Новата максимална малопродажна цена на еуросупер БС – 95 е 84 денари за литар, еуросупер БС – 98 ќе се продава за 86, а еуродизел БС (Д-Е V) за 92 денари за литар.

Со одлуката на РКЕ за три денари за литар се намалува и малопродажната цена на екстра лесното масло за домаќинство (ЕЛ-1)  и ќе изнесува 100,5 денари, додека цената на мазутот М-1 НС се намалува за 0,998 денари за килограм и ќе се продава за 48,314 денари.