Борис Стефановски го фати крстот во црквата „Свети Никола“ во Куманово

Борис беше најбрз од педесетина момчиња кои денеска скокаа по крстот.

„Oва е седма година по ред како скокам по светиот крстот. Овој ден за мене е посебен секоја година. Нека е среќен празникот на сите, посакувам најмногу здравје, успех, мир“, изјави Стефановски.

Тој од свештенството на „Св. Никола“ доби икона и свет крст, а подароци му врачија и од Општина Куманово, од бизнис заедницата и од политичка партија.

Стефановски е студент на четврта година на Факултетот за физичка култура, и има уште еден испит до дипломирањето. Очекува оваа година да се вработи.

Оваа година за крстот скокаше и  едно девојче, 10 - годишната Анастасија.

Граѓаните на Куманово денеска масовно го одбележаа празникот Богојавление - Водици во црквата "Св. Никола", и во другите храмови во општината.

Во црквите утринава прво се служеа свети богојавленски литургии, а потоа во базените се одложуваше крстот.