Ќе создадеме урбано и чисто Куманово, ветува Ѓорѓиевски
„Со давање на својот глас за кандидатот за градоначалник од коалицијата на ВМРО-ДПМНЕ и здружената опозиција „За заедничка Македонија„, гласате за себе, за своето семејство, за својата улица, за својата иднина и иднината на своите деца, за својата визија за едно поубаво и поуредено Куманово„.
Ова кандидатот за градоначалник од ВМРО-ДПМНЕ, Зоран Ѓорѓиевски, на почетокот на изборната кампања им го порача на своите сограѓани на попладневната прес-конференција, која се одржа во општинскиот изборен штаб.
„Јас како кандидат за градоначалник и мојот тим, со советничката група, ветуваме на граѓаните на Куманово дека во престојниот период ќе создадеме ново, урбано, чисто и просперитетно Куманово. Разликата од нашите конкуренти е во тоа што ние работиме посветено и ќе дадеме се од себе ветувањата да ги спроведеме во дела, -изјави Ѓорѓиевски.
Доколку дојде на власт, Ѓорѓиевски најави нова ера за Куманово преку реализација на проекти за локален економски развој, образованието, културата, спортот и младите, намалување на невработеноста, решавање на инфраструктурните проблеми и создавање на здрава и чиста животна средина.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
