Центарот за јавно здравје набави 1800 бесплатни вакцини за пензионерите со мали пензии

Набавени се бесплатни 1800 вакцини, од кои 1500 за Куманово, Липково и Старо Нагоричане, 200 за Крива Паланка и 100 за Кратово. Тие се наменети за граѓаните над 65-годишна возраст и кои се со помала пензија од просечната или се без пензија, и тие ќе можат да ја примат откако претходно ќе појдат кај матичен лекар, кој треба да ги прегледа дали може да примат вакцина и да им закаже термин преку електронскиот систем за закажување МојТермин.

Пензионерите, како доказ треба да донесат чек од пензија, а граѓаните без примања потврда од ПИОМ дека не примаат пензија.

Центатот за јавно здравје Куманово обезбеди и 1000 вакцини за кои цената е 650 денари.

Овие вакцини можат да ги примаат граѓаните кои што сакат да се заштита од сезонски грип, хронично болни и деца.

Од Центарот велат дека е голем интересот за примање на вакцината.