Честитка од ВМРО-ДПМНЕ по повод Денот на народното востание

„Славејќи го почетокот на Народното востание, граѓаните на Куманово си спомнуваат за плодоносниот придонес на кумановците во втемелувањето на македонската државност преку Народноослободителната војна.

Пред 76- години  нашите сограѓани немаа дилема храбро да застанат , рамо до рамо со останатите македонски сонародници, во герилска борба  и да се спротивстават на ветениот - праведен, а во суштина - поробувачки поредок.

  Водени од историски, блиското, илинденско искуство и комитската револуционерна традиција  притоа  одзивајќи се на одекот од Карпошовото востание, кумановските партизани ја заслужија привилегијата, како нови карпошовци, преку вториот Илинден - АСНОМ, да се запишат во темелите на современата македонска република.

Непокорот и истрајноста се испишан крвав завет на кумановските борци  како единствена вистина за црвено Куманово и како најдобро оружје против премрежијата  на нашата генерација  и на генерации кои доаѓаат !  Наша должност е да го чуваме споменот  на храбрите борци  кои ги дадоа своите животи  за да ние денес имаме наше парче земја, наша татковина.

За многу години нека е празникот и Македонија вечна!“, - стои во честитката од ОК на ВМРО-ДПМНЕ Куманово.