Додик вети помош за еден инфраструктурен проект во Старо Нагоричане

„Разговаравме со актуелниот градоначалник, а верувам и со новиот, на кој начин ќе соработуваме. Прво што сакаме да направиме е да обезбедиме контакти на ниво на општините во Република Српска заради поблиска соработка. На почетокот на наредната година, јас ќе обезбедам од нашата Влада помош за еден инфраструктурен проект. Општината нека избере што е приоритетно. Со тоа сакаме да покажеме дека нашите намери се сериозни, и да покажеме солидарност кон луѓето што живеат овде“, - изјави Додик.

Зад затворени врати со високиот гостин разговараше градоначалникот Милован Стојковски, а беше истакнато дека ова е прв претседател кој ја посетил Општината Старо Нагоричане.

Додик ја посети и црквата Свети Ѓорѓи.