Зачленете се во нашиот клуб на читатели и најновите текстови ќе ги добивате на вашата мејл адреса
Два камиони за собирање на смет набави ЈП „Чистота и зеленило“ во Куманово. Нивната вредност е 80.000 евра, обезбедени од сопствениот буџет. Станува збор за помали возила кои досега недостасувале во претпријатието.
„Набавивме две нови помали возила за изнесување на смет кои ни без неопходни, бидејќи располагаме со голем број на возила меѓутоа тие се поголеми, а поради тесните улички и непрописно паркирани автомобили се соочуваме со проблеми за влегување во тие улички. Во текот на оваа недела ќе ги завршиме сите административни постапки и ќе ги бидат ставени во функција, се со цел за подобро извршување на услугите кон крајните корисници- граѓаните“, - изјави Даниел Стојчевски, директор на ЈП „Чистота и Зеленило“.
Директорот вели дека со обновата на возниот парк многу ќе се олесни нивната работа, бидејќи ќе успеваат навремено и целосно да го изнесуваат сметот од сите делови на градот.
Претпријатеито има вкупно 17 камиони за собирање на смет, а дел од нив се доста амортизирани што им создава проблеми во секојдневното работење.
„Ни треба дополнителна набавка бидејќи дел од возилата се дотраени и не знаеме уште колку ќе издржат. Меѓутоа со проектот за отварање на регионална депонија треба да добиеме 9 нови возила и повеќе садови за смет, се надеваме дека од наредниот месец ќе ни бидат ставени на располагање, - додава Стојчевски.