Две сребрени и две бронзени медали за пливачите на Немо на меѓународен митинг во Скопје

„Најуспешен беше Жељко Младеновски, кој освои две сребрени медали. Тој на 100 метри градно заврши втор со резултат 1:48.02, а второто место го освои и на 50 метри градно со време 51.03. Во дисциплината 50 метри краул, Младеновски го освои 9. место меѓу вкупно 45 натпреварувачи, со резултат 38.21. Успешен настап имаше и Миа Додевска, која се закити со два бронзени медали. Таа на 50 метри градно го освои третото место со резултат 43.64, а бронза освои и на 200 метри градно со време 3:37.93, при што го подобри својот личен рекорд за цели 8 секунди во само два натпревари“, велат од клубот.

Оттаму додваат дека Додевска била блиску до нов медал и на 100 метри градно, каде го освоила 4. место со резултат 1:37.54. Од третата позиција ја делеле само 24 стотинки, а и во оваа дисциплина го подобрила својот личен рекорд за 3 секунди.

На натпреварот во Скопје настапила и Каја Милевска, која била дел од составот на ПК Немо на овој меѓународен митинг.