Фатен разбојник кој со нож напаѓал продавачки во маркети

Минатиот вторник Ф.А. со закана со нож извршил разбојништво во обид во маркет на бул. „Октомвриска револуција“. Откако вработената почнала да вика на цел глас, тој побегнал од местото без да одземе ништо.

Еден ден потоа, во среда, околу 18.30 часот во маркет на крстосницата од ул.„11-ти Октомври“  и ул. „Сава Ковачевиќ“ со закана со нож од вработената одзел 9.060 денари, по што побегнал.

По преземени мерки и извршен претрес, врз основа на судска наредба, Ф.А. бил приведен и задржан во полициска станица. Во службен разговор тој го признал и појаснил начинот на извршување на делото.