Финишира проектот “Изградба на мостот на туризам - спој на заедничко наследство”

Главна цел на проектот е подобрување на туристичкиот потенцијал на регионот преку иницијативи за соработка во подобра заштита и одржливо користење на природното и културното наследство.

- По свечениот дочек во зградата на општина Рила, нашата група и градоначалничката Јовановска ја посетија црквата Св. Николај од Мира, како и реновираниот преку овој проект манастир Св. Архангел Михаил, во кој беше реставриран извонредно артистички иконостас и беше свечено отворен за време на оваа посета. За крај на денот, групата од Старо Нагоричане имаше организирана посета на Рилски манастир и вечера со официјалните лица од општината и членови на проектот од бугарската страна, - изјави Далибор Тасевки, проект менаџер.

Проектот е во завршна фаза, а е резултат на одлична соработка меѓу двете општини и ќе биде комплетиран до крајот на октомври кога како завршна церемонија ќе биде отварањето на реновираниот инфо центар во с. Младо Нагоричане на 16. и 17. октомври. Дводневниот настан ќе биде збогатен со посета на делегација од триесетина гости од Општина Рила, заедно со градоначалникот Георги Кабзималски, кои ќе ги посететат сите историски и природни знаменитости кои се основа за промоција на Општината Старо Нагоричане во иднина.