Го повикал да излезе надвор, па го пробол со нож

Нападот се случил вчера околу 7 часот, додека Д.П.(26) бил дома, на мобилниот телефон му се јавило непознато лице и побарало да излезе надвор, бидејќи требало да му даде нешто. Д.П. излегол надвор и во моментот кога сакал да се поздрави со лицето, од позади грб друго непознато лице го удрило со дрвена рачка од метла. Тој паднал на земја, а непознатите лица почнале да го удират со дрвената рачка, со пластична цевка и со нозе во пределот на телото и главата. Во еден момент, едно од лицата со нож го прободело во пределот на десната нога. Д.П. успеал да избега и да влезе во куќата, од каде бил однесен во болница. Се преземаат мерки за расчистување на случајот.

Случајот во Полициската станица го пријавиле од Кумановската болница.