„Игри без граници“ за најмалите

Спортското натпреварување за најмладите традиционално се организира по повод Детската недела, а учество земаат дечиња од осум градинки во државата.

На годинешново натпреварување учествуваа околу 300 деца од градинките од: Крива Паланка, Пехчево, Берово, Штип, и три градинки од Скопје, од општините Гази Баба, Аеродром и Центар. Присутните ги поздрави директорката Марина Алексовска, која истакна дека е горда што денеска како установа се домаќини на толкав број на учесници и толку голем настан.

- Играта е основна активност преку која децата стекнуваат знаења, вештини умеења, меѓутоа игрите без граница е она што е најпоскуваното, бидејќи се потикнува спортскиот, натпреварувачкиот дух и самодовербата. И за правилниот психофизички развој неопходна е играта, - изјави Алексовска.

Мотото на годинашнава детска недела е „Градиме мостови, чекориме напред“. Манифестацијата традиционално секоја година се организира во соработка со Здружението за спорт, рекреација и анимација „Штурчиња“, со стручна помош на дипломирани професори по физичко воспитување.

 На манифестацијата присуствуваше и градоначалникот Максим Димитриевски, кој ги поздрави дечињата и им посака убаво да се забавуваат и натпреваруваат.

- Со настанот сакаме да им дадаме можност на нашите најмилите и најмладите правилно да го развиваат натпреварувачкиот дух. Од нив очекуваме идни спортисти, кои освојуваат врвни резултати на домашните и светски спортски натпреварувања. Се заблагодарувам на организаторите и студентите кои се денеска даваат допринос за успешна релизација на овој настан, - изјави градоначалникот.

 Сите учесници на „Игри без граници“ добија пехари и медали за покажаните резултати и беа прогласени за победници.