Имаме план и проекти за заштита на животната средина, најави Вељковиќ

„Свесни сме дека Куманово по број на жители, за 30-40 години, двојно се зголеми. Затоа создадовме план и проекти за зголемен капацитет и професионални услуги на јавното комунално претпријатие. Се обврзуваме постојано и навремено да го собираме комуналниот смет и да ги чистиме депониите и речното корито. Најбитно е да заживее регионалниот центар за управување и третман на цврстиот комунален отпад, со кој ќе се вброиме во земји кои ја практикуваат циркуларната економија, а со тоа и нови зелени работни места“,- изјави Вељковиќ на прес-конференција во паркот „Соколана“.  

Таа додаде дека е добро што граѓани во изминатите години застанаа јасно и гласно во заштита на животната средина, меѓутоа одбраната треба да започне од секој поединец и правно лице, коишто имаат општествена одговорност во средината во која живејат.