Италијанскиот амбасадор во посета на Општина Куманово

На средбата со градоначалникот Максим Димитриевски разговарале на повеќе теми, а пред се за начинот на зајакнување на  економската соработка со италијанските фирми.

„Република Италија најавува одржување на саем за градежништво во Скопје, и секако дека дел од наши кумановски компании ќе бидат поканети да ги споделат искуства во делот на градежништвото. Италијанските инвестиции се добредојдени во нашата општина“, - изјави Димитриевски.

Амбасадорот се заблагодари за гостопримството, и истакна дека идната соработка би можела да биде во инфраструктурата и заштитата на животната средина.

„Во овие сектори веќе се вклучени италијански фирма, но се отвараат можности и за нова соработака. Многу значен сектор е и изучувањето на италијанскиот јазик и култура во Куманово“, - изјави амбасадорот.

 Кумановските ученици покажуваат одлични резултати  на студиите по италијанскиот јазик.

На крајот на посетата амбасадорот се сретна со директорите на основните и средни училишта каде се изучува италијанскиот јазик.