Избрано новото општинско раководство на СДСМ

Општинската организација на СДСМ Куманово, синоќа на конференција го избра новото партиско раководство. На предлог на претседателот Александар Арсиќ, изгласани се 18 членови на Извршниот одбор и петмина во Надзорниот одбор.

Новиот Извршен одбор го сочинуваат: Владимир Арсовски, раководител во Агенцијата за станбен и деловен простор во Куманово, Весна Трајковска, директорка на ДСУ „Киро Бурназ“, Сашо Костовски, вработен во ЈП„Пазариште“, Сања Трајановиќ, докторка во Кумановската болница, Стојанче Величковиќ, пензионер, Ивана Величковска, невработена, Лехонте Демировиќ, вработен во ЕВН, Верица Тодоровска, воспитувачка во ДГ„Ангел Шајче“, Сашо Тодоровски, директор на ЦК „Трајко Прокопиев“, Лилјана Величковска, вработена во ДСУ„Киро Бурназ“, Александар Саздевски, раководител во Општина Куманово, Анкица Бојковска, наставник во гимназијата „Гоце Делчев“, Артан Љатифи, вработен во Царинската управа, Марија Димитриевска, раководител на Центарот за вработување, Стефан Темелковски, стопанственик, Јелена Здравковска, секретар во Гимназија „Гоце Делчев“, Ивица Цветковиќ, професор во СОУ „Перо Наков“ и Мила Аневска, студент по медицина.

За членови на Надзорен одбор се изберени: Драган Петровски, адвокат, Иван Ангеловски, раководител во Општина Куманово, Сања Јовановска, вработена во Центарот за социјални работи, Биљана Ивановска, вработена во Општа болница Куманово и Тамара Арсиќ, професор во ДСУ „Киро Бурназ“.

 

Претседателот Арсиќ вели дека на повикот за изборна конференција се одѕвале голем број на партиски членови и делегати.

„Задоволен сум од  бројот на членовите кои дојдоа на изборната конференција. Со масовноста докажавме дека, сепак има единство во партијата, и дека и покрај различни ставови сите застануваме зад исти цели и заложби за кои работиме како политички субјект. Новите членови се мои партиските другари, угледни сограѓани, докажани професионалци во своите области, долгогодишни членови на СДСМ Куманово. Луѓе со интегритет, луѓе кои ќе ги креираат политиките, кои ќе бидат заедно со членството. Сите се истакнати партиски борци, заслужни за предходните успеси и подготвени да извојуваат нови победи на наредните избори“, изјави новиот претседател на општинската организација Арсиќ.

Нов секретар и портпарол на општинската организација ќе се назначат на првиот состанокот на Извршниот одбор во понеделник.

На конференцијата присуствуваше највисокото централно партиско раководство, претседателот на СДСМ Димитар Ковачевски, секретарот Миле Зечевиќ, министерот за внатрешни работи Оливер Спасовски, пратениците Мартин Костовски и Лидија Тасевска,и други истакнати и долгогодишни членови од локалниот огранок.