„Кочо Рацин“ прогласено за училиште со најдобра веб страна

Учениците ја презентираа страната, по што беа избрани за победници. Од “Кочо Рацин“ велат дека и понатаму ќе работат на ажурирање на веб страната на нивното училиште.

Не очекувавме дека ќе бидеме најдобри меѓу најдобрите. Професорката по информатика Лидија Поповска со неколку ученици работи на страницата. Денешното претставување во Скопје беше одбрана на презентацијата на некој начин. Наградата е интерактивна табла, и ќе ја ставиме во медијатека - рече Лидија Пешевска, директорка на “Кочо Рацин“.

Во трка за најдобра веб страна беа 7 основни и 10 средни училишта во државата во посебни категории.