Ковачевски си поднесе оставка од претседател на СДСМ

Toj се повлекува од функцијата поради катастрофалниот резултат на претседателските и парламентарни избори, и како  што соопшти партијата, побарал свикување Конгрес и организирање внатрепартиски избори. Одговорноста за резултатите и поразот ја лоцираше кај сите функционери од партијата и го повика комплетното раководство на партијата да даде оставки.

„И јас и партиското раководство имаме одговорност, исто како што имаат одговорност и сите именувани и избрани функционери, вклучително и сите партиски функционери на локално и централно ниво. Никој реално не е без одговорност. Овој резултат и креираното јавно мислење беше очигледно уште на локалните избори во 2021 година кога СДСМ доживеа пораз, по што партијата не направи анализа на изборните резултати како што налага Статутот и не ги лоцираше причините за поразот за да се извлечат соодветни поуки. СДСМ ќе треба добро да погледне навнатре, да размисли што направивме и кои се резултатите и слабостите во последните 4 години, можеби и во последните 7 години. И уште поважно, што е тоа што треба да се направи за да ја обновиме и вратиме довербата на граѓаните што ја изгубивме. Процесот на обнова мора да е на сите нивоа“, објави Ковачевски.

По 7 години власт, СДСМ на парламентарните избори го доживеа најтешкиот пораз во историјата и се најде во позиција да биде третопласирана партија, зад ДУИ, според бројот на пратеници, вкупно 18 и 153.250 гласови.

И општинската организација на СДСМ освои само 7.144 гласови, најслаб резултат од постоењето, по 30 година власт на локално ниво и со титула бастион на Куманово.