Крива Паланка ја подржува акцијата за мапирање и чистење на дивите депонии

Во пресрет на Светскиот ден на чистење, Општина Крива Паланка се вклучува во иницијативата на Здружението за одржлив развој и заштита на животната средина „Гоу Грин“ од Скопје и  Министерството за животна средина и просторно планирање, во глобалната акција за мапирање на диви депонии и воедно ги повикува граѓаните активно да се вклучат во оваа акција.

Мапирањето на дивите депонии е поедноставено и достапно на сите само преку користење на апликацијата за мапирање World Cleanup.

Местата со диви депонии и расфрлано ѓубре кои граѓаните ќе ги забележат во своето соседство или во околината,  може лесно да ја обележат нивната локација со користење на лесната апликација за мапирање.

Преземете ја апликацијата и почнете да мапирате! www.worldcleanupday.org/get-the-app

Локациите кои ќе се мапираат ќе се чистат во големата светска акција.