Куманово без кал, најави кандидатот за градоначалник Зоран Ѓорѓиевски

Ѓорѓиевски вети дека наредните четири години ќе го реализира проектот „Куманово без кал“.

– Тоа подразбира решавање на комплетната, нереализирана инфраструктура, водоводна и канализациона во сите делови на градот, приградските населби и руралните средини, асфалтирање на сите улички во градот во текот на наредните четири години, рече Ѓорѓиевски.

Тој истакна дека Куманово располага со буџет и оти за проектот „Куманово без кал“ ќе бидат потрошени десет проценти, односно 10 милиони евра пари за четиригодишно уредување.Подобрување на водоснабдувањето е опфатено во програмата на канидатот за градоначалник од ВМРО-ДПМНЕ со активирање на „тутунскиот вод“ и со градење на нови бунари. Изградба на нов рекреативен парк со мултифункционални игралишта, пешачки, велосипедски патеки „Студена вода“, места за забава и рекреација за сите граѓани.

Ѓорѓиевски најави решавање на сообраќајниот метеж со уредување на влезот на градот и кружници долж булвеарите во Куманово

– Ние ветуваме детски градинки во населбите „Карпош“, „Перо Чичо“, во „11 Ноември“, бидејќи има реална потреба за најмалдите да ги понудиме овие решенија, рече Ѓорѓиевски.

Вети и изградба на повеќенаменски спортски игралишта во повеќе села во кумановско, изградба на нов зелен пазар во „Гоце Делчев“ и формирање канцеларија за инвеститори, за сограѓаните кои работат надвор од државата, со цел, намалување на невработеноста.

На конвенцијата беа промовирани и носителот на листата и 33-та кандидати за советници од Коалцијата „За подобра Македонија“.

Пред кумановци се обрати и носителот на листата, Драган Петковски, кој рече дека листата е различна има кандидати од различна националност, пол, како што е Куманово, но дека се луѓе кои се докажани во своите професии и млади и перспективни.

– Спој на искуство и младост, докажан рецепт за просперитет, додаде Петковски.Пред присутните во салата се обрати Генералниот секретар на ВМРО-ДПМНЕ, Христијан Мицковски кој рече дека овие се изборите кога граѓаните треба да им кажет каде и во каква насока ќе се движи оваа држава.

Ја обвини сегашната власт за пад на економијата, а раст на невработеноста и како што рече лошиот однос кон инвеститорите.

На конвенцијата зборуваа и кандидатите за советници од коалицијата, Тони Трајковски од МААК, Марија Цакиќ од ГРОМ, Срѓан Рушити од Сојузот на Ромите, Саша Николиќ од ДПСМ и Борислав Додевски од СПМ, кои побараа поддршка од граѓаните на Куманово.

                                                                           (МИА)