Куманово ќе биде отворен град на културата, најави Ѓорѓиевски

„Од новите манифестации зад кои ќе застанеме ќе биде мултинационален детски фестивал, меѓународен фолклорен фестивал и отворена летна сцена на Градскиот плоштад. Сите уметници, солисти, џез и рок музичари ќе добијат простор каде ќе можат да настапат и да прават промоција на својата музика. Истовремено тој простор ќе го користат и ликовните уметници, поети и писатели. Ќе дадеме шанса на сите луѓе да се промовираат во градот од каде што потекнуваат“, - изјави Ѓорѓиевски.

  Покрај новите културни содржини, Ѓорѓиевски најави дека ќе дадат целосна подршка и на досегашните настани зад кои стои општината Куманово, како спонзор, финасиер и логистика. Тоа се Деновите на комедијата, фестивалот Рома-труба фест и Тамбурашкиот фестивал.

Истовремено општината ќе даде подршка за формирање ликовни, драмски, музички и играорни секции на училишно и локално ниво.

ВМРО-ДПМНЕ и коалицијата „За подобра Македонија“ вечерва во 20.30 часот одржува митинг во Куманово, а Ѓеоргиевски ги повика граѓаните да им дадат масовна подршка и да ја слушнат програмата, која ќе ја реализираат доколку дојдат на власт.