„Кумановски акцијаши“ добија подршка за уредување на Спомен костурницата од премиерот
Претставници од Здружението за доброволна волонтерска работа „Кумановски акцијаши“ денеска се сретнале со премиерот Зоран Заев и побарале подршка за уредување на запуштениот комплекс Спомен костурница во Куманово.
На средбата било побарана помош за реализација на голема регионална еколошка акција во Куманово, на која ќе учествуваат слични здруженија од шест држави од поранешна Југославија вклучувајќи, ги и Косово и Албанија.
Акцијата ќе се одржи кон средината на идната година и има за цел уредување и ревитализација на локалитетот Спомен Костурница во Куманово, како и промовирање на меѓуетничка толеранција и соживот меѓу балканските народи.
Премиерот изразил поддршка за нивната работа и залагања, и ги повторил заложбите на Владата да посвети повеќе време и ресурси во поддршката на еколошките здруженија и нивните активности.
Здружението „Кумановски акцијаши“ брои 174 членови и е добитник на наградата „11 Ноември“, што ја доделува Општина Куманово за промовирање на волонтерската работа.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
